Zumarragako jubilatu elkarteak batzar orokorra egingo du egoitzan, urtarrilaren 30ean, 18:00etan
Zumarragako Gure Txoko jubilatu egoitzan aurten egingo dituzte ekintzen egutegia prestatzen ari dira. Guztietan garrantzitsuena Kultur Astea da, eta dagoeneko badakite apirilaren 7an hasi eta 13an amaituko dela. Pablo Santillan Gure Txoko elkarteko idazkaria da, «egingo dugun ekintza zerrendaren zirriborroa baino ez dugu oraindik». Kultur Asteari hitzaldi batekin emango diote hasiera, Enrique Samaniego doktoreak egingo du hitzaldia, eta adinekoei bereziki eragiten dieten gaitzei helduko die. Hurrengo egunetan Irri Makila antzerki taldeak antzezlan baten aurkezpena egingo du Zumarragako Zelai Ariztin, bingoan arituko dira El Salvador gizarte zentroan zein Gure Txokon, jubilatu egoitzako koruak emanaldia egingo du eta Gernikako egoitzako (Bizkaia) korua nahiz antzerki taldea etortzekoak dira. Zumarragako Bandarekin ere kolaborazio bat egingo dute, eta egoitzako hainbat talderen partaidetzarekin «kontzertu berezia» eskainiko dute Kultur Astearen baitan.
Aldaketak zuzendaritzan
Gure Txoko egoitzako zuzendaritzak urteko batzar orokorra deitu du. Urtarrilaren 30ean izango da 18:00etan. Kultur Astearen berri emango dute batzarrean eta zuzendaritza taldean egingo dituzten aldaketen berri ere emango dituzte.
