Hilaren 29an, ostirala, 19:00etan irekiko dute azoka. Postu bakoitzean pintxo bat eskainiko dute. 22:00etan kontzertua egongo da. Larunbatean, 10:00etatik 14:00etara Goierri garaiko produktu ekologikoak salduko dituzte eta garagardoa egiteko produktuak erakutsiko dituzte. 14:00etan bazkaria egingo dute Hokaba tabernan. Parte hartu nahi dutenek tabernan bertan eman behar dute izena edo 647 96 33 76 zenbakira deitu. 18:00etan garagardo postuak irekiko dituzte eta 19:30ean kontzertua egongo da. Bukatzeko, 21:30ean Athleticen eta Bartzelonaren arteko Errege Kopako finala emango dute pantaila erraldoian. Butifarra, hanburgesak eta Urola Garaiko produktuak egongo dira, bertan afaldu nahi dutenentzat.
