Zumarragako Zelai Ariztin 28. Pintura lehiaketako sariak banatu dituzte gaur eguerdian. Bertan izan dira Aitor Etxeberriak, Luis Laskurainek eta Barbara Stammelek osatutako epaimahaiak saritutako artistetako bi
Sarrigurengo (Nafarroa) Irantzu Vides Guindanok jaso du lehen saria, 750 eurokoa, ‘Fin de curso’ lanagatik; Gasteizko Brayan Chipanak bigarren saria irabazi du, 550 eurokoa (ezin izan du sari banaketara etorri), ‘El descubrimiento’ lanarekin; eta herriko lan onenarentzako saria Maria Jesus Asurmendik irabazi du, 300 eurokoa, ‘Bidea’ lanarekin. Ines Benitez Zumarragako udaleko zinegotzi eta kultura batzordeko kideak eta Maialen Fidalgo Urretxuko kultura zinegotziak banatu dizkie sariak publikoaren txalo artean.
Zumarragako eta Urretxuko udalek antolatutako 28. pintura lehiaketa honetara 66 lan aurkeztu dira guztira. Saritutako lanak eta aurkeztutako gainerako lanen hautaketa bat ikusgai jarri dira Zelai Arizti kultur etxeko erakusketa aretoan; sarreran herriko egileen lanak jarri dira ikusgai. Erakusketa urriaren 27ra arte egongo da zabalik.
Irantzu Vides irabazlea, ‘Fin de curso’ lanarekin
Maria Jesus Asurmendi eta ‘Bidea’
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Egin HITZAkide