Urretxuko Stylo ile-apaindegiak, urteroko moduan, Aste Arrosa ospatu du bularreko minbizia dutenen alde. Gorane Dominguez ile-apaindegiko nagusiak ile-sorta arrosak jarri dizkie bezeroei eta eskumuturrekoak saldu ditu ikerketarako dirua biltzeko. Gainera, Gainzuri ikastetxera joan da ile-sorta arrosak jartzera eta bularreko minbiziaz hitz egitera.
100 ile-sorta jarri ditu eta 100 eskumuturreko saldu. 700 euro lortu ditu eta minbiziaren aurkako elkarteari emango dizkio. Pultserak bere izeba Emy Jaritek bidaltzen dizkio Mallorkatik. Emakume honek ere ikerketaren aldeko ekintzetan parte hartzen du. Datorren urtean, Dominguez 200 eskumuturreko saltzen eta 200 ile-ordeko arrosa jartzen saiatuko da.
