13:00etan ekin diote, Zelai Arizti parkean. Arratsaldeko lehen ordukoan, Mundu donostiarrak eta Greasy&Grizzly kantabriarrek jo dute. 18:00etatik aurrera, Bamms hernaniarrak, Mocker’s durangarrak eta Capsula bilbotarrak.
Urte eta erdi pasa da, musika kontzertuak eten edo egiteko modua aldatu zela. Denbora horretan, COVID-19aren hedatzea ekiditeko neurriak nagusitu dira eta horrekin desagertu zen, kontzertu eta musika jaialdiez lehengo moduan gozatzea; zutik, dantzan, kantuan,… Aste honetan baina bertan beherea geratu dira COVID-19 neurriak eta gaur, ZZ Rock jaialdia ospatzen ari da Zumarragan. 13:00etan ekin diote, Zelai Arizti parkean. Arratsaldeko lehen ordukoan, Mundu donostiarrak eta Greasy&Grizzly kantabriarrek jo dute. Lehenengoak The Ramones taldearen kantak jo ditu, akustikoan. Arratsaldean, 18:00etatik aurrera, rock¬roll erakustaldi bikaina egingo dute, Bamms hernaniarrek, Mocker’s durangarrek eta Capsula bilbotarrek. Beraz, oraindik badago aukera ZZ Rock jaialdira gerturatu eta rock onenaz gozatzeko.
Antolakuntzako kideak “oso pozik” agertu dira, “COVID-19aren aurkako neurririk gabe ospatzen ari den lehen musika jaialdia delako”. Urte erdi eta gero, betiko normaltasunaren antza duen jaialdia egitea “arraroa” dela ere onartu dute, “denbora asko igaro baita horrelakorik bizi gabe”.
