Denis Itxaso Etxebizitza eta Hiri Agendako sailburuak eta Mikel Serrano Zumarragako alkateak hitzarmena sinatu dute gaur. Hitzarmen horren eskutik, Eusko Jaurlaritzak babes publikoko alokairuko 44 etxebizitza eraikiko ditu Forjasen (Kalebarren), udalak doan utzitako lursailean. Obra 2027ko erdialdean hastea espero dute eta aurrekontua 6,5 milioi eurokoa da. Beheko solairuan 300 metro koadroko lokala egingo dute eta jaurlaritzak udalari utziko dio.
Itxasok alkateari eta udal korporazioari eskerrak eman dizkie lurzorua doan uzteagatik. “Irtenbide nagusia etxebizitza babestu gehiago eraikitzea dela egiaztatu dugu. Gaur egun, Zumarragak 443 bizikidetza unitate ditu Etxebiden etxebizitza eske, horietatik 363ko alokatzeko etxebizitza nahi dute (%81,4) eta 80k (%18,6) erosteko”.
Serranok etxebizitza soziala sustatzea udal plangintzaren parte dela aipatu du, Zumarragako eta inguruko gazteen emantzipazioa errazteko. Hala, geriatriko zaharrean 24 etxebizitza egingo dira eta Eitzagan 108 egin dira. Geriatriko zaharreko obra 2026an hasiko da eta Eitzagako etxebizitzetako giltzak aste batzuk barru emango dituzte.
