Katxalin elkarteak hainbat ekitaldi egingo ditu igandean geltokiko plazan, bularreko minbiziaren aurka
Igandean Bularreko Minbiziaren Aurkako Eguna izango da eta, urteroko moduan, Katxalin elkarteak Urretxu eta Zumarragan ere hainbat ekitaldi antolatu ditu. Azaroaren 16an Donostian egingo den martxarako kamisetak salgai daude jada Katxalinek Zumarragako Euskadi plazako 5 zenbakian duen lokalean: astearteetan, azaroaren 11ra arte. Ostiral honetan Urretxuko Eroskin salduko dituzte: 09:00etatik 15:00etara. Eta larunbatean Zumarragako plazan eta Areizaga-Kalebarrenen, 10:00etatik 13:00etara. Igandean festa egingo dute geltokiko plazan, 10:00etatik 14:30era. Bertan, martxan izena emateko aukera izango da. Horretaz gain, azoka solidarioa eta txistorra jana egingo dituzte. Txistorra jana 12:00etan izango dira. Bildutako diru guztia BioDonostiari emango diote.
Bestalde, urriaren 16an xingola arrosa jarriko dute Urretxu eta Zumarragako udaletxeetako balkoietan. Herritarrei beraien leiho, balkoi eta erakusleihoak arrosaz apaintzeko eskatu diete. Arrosa, arantzak dituen arren, ederra dela gogoratu dute. “Ez dago arantzarik gabeko arrosarik. Arrosak minbiziaren aurkako borrokako itxaropena eta batura sinbolizatzen ditu, baina indarra ematen digun kolore horren atzean arantzak daude: tratamenduak, kirurgia, ikusten diren eta ez diren orbanak, mina eta beldurra. Baina gainditzen ditugun arantza guztiek gure ausardia gogoratzen digute. Izan ere, arrosa, arantza eta guzti, ederra eta indartsua da eta loratzeko gai da”.
