Urretxuko Udalak marrazketa eta pintura ikastaroak antolatu ditu. Eskolak Aitor Etxeberriak emango ditu, Aizpurunea kultur etxean. Marrazketa ikastaroa urriaren 7an hasiko da eta eskolak astearteetan izango dira, 18:30etik 20:00etara. Pintura ikastaroan hiru ordutegi egongo dira: astearteetan 20:00etatik 21:30era eta asteazkenetan 18:30etik 20:00etara edo 20:00etatik 21:30era. Parte hartu nahi dutenek kultur etxean eman behar dute izena, irailean zehar.
