Urretxu eta Zumarragako gaztetxea itxita egon da azken hilabeteetan. Zaharberritze lanak egin dituzte eta gaztetxearen funtzionamenduari buruzko hausnarketa prozesua egin dute. Larunbatean irekiko dute berriro. 12:00etan ate irekien jardunaldia egongo da, 13:00etan tertulia egingo dute eta 14:30ean bazkaria egongo da. Bazkalostean jolas zoroak egingo dituzte eta 18:00etan gaztetxeko bideo mitikoak emango dituzte. 20:00etan Salda Badago taldeak soinu probak egingo ditu eta 21:30ean afaria egongo da. Salda Badago taldearen kontzertua 23:00etan hasiko da. Bukatzeko, 01:00etan bertaratuek nahi duten musika jartzeko aukera edukiko dute eta karaokea egongo da.
