Urolako, Beasaineko eta Ermuako (Bizkaia) taldeetako futbol eskoletako haurrek lehiaketa jokatu dute gaur Argixaon, Zumarragan, Caritasen alde. Janari bilketa egin dute gaur, baita aste osoan ere Urretxuko eta Zumarragako supermerkatuetan. Bildutako guztiak jasoko du Caritasek. Elikagaiez gain, errifak saldu dituzte eta bildutako dirua ere Caritasentzat da. Urolatik esan dutenez, “dagoen beharra ikusita lehiaketa antolatzea erabaki genuen”. Eskolako haurrentzat ikasturteari festa giroan amaiera emateko modua ere izan da. Sariak Urretxuko eta Zumarragako Caritaseko ordezkariek banatu dituzte.
