Luis Azpitarte artistak baserri bateko sukaldea egin du okume xaflekin eta kartoiarekin, eta sukalde honek Urretxuko liburutegiko haurren txokoa apainduko du Gabonetan.
Azpitarte Zumarragan jaio zen 1935ean, baina Urretxun bizi da aspalditik. Oso gaztetatik gustatzen zaio artea eta hamaika lan egin du: Urretxuko arte ederretako tailerreko kidea da, Urretxu eta Zumarragan antolatzen diren kartel lehiaketetan parte hartzen du…
Oraingoan baserri bateko sukalde bat egin du: beheko sua eta ondoan amona eserita taloa egiten eta aitona zutik pipa erretzen, artaburuak, bi katu, kafea ehotzeko makina, kriseilua… Azpitartek lan bikaina egin du. Amona eta aitona edozein unetan Gabon kantak abesten hasi behar direla dirudi.
Azpitartek bere lana Urretxuko Udalari eskaini zion, herriko artisten erakusketa batean jar zezan. Talde erakusketak ez dira oso ohikoak, ordea, eta udal teknikariek sukaldea Gabon hauetan liburutegia apaintzeko erabiltzea erabaki zuten.
Azpitarteren lana atzo jarri zuten. Aurkezpen ekitaldian artistak eta Maialen Fidalgo zinegotziak parte hartu zuten. Fidalgok eskerrak eman zizkion Azpitarteri. «Benetan eskertzekoa da bere lana udalari eskaini izana. Gainera, lan hau oso aproposa da garai honetarako. Liburutegian jartzea erabaki dugu, garai honetan bertatik jende asko pasatzen delako».
Liburutegiko ekitaldiak
Izan ere, datozen egunetan bi ekitaldi egongo dira Urretxuko liburutegian. Hilaren 17an, 17:00etan, Miruk alzheimerrari buruzko ipuin saioa egingo du. Etxeko txikiek harreman berezia duten aiton-amonekin eta batzuetan, zoritxarrez, alzheimerra harreman estu honetan sartzen da.
Ipuin kontaketa saio honetan haurrei alzheimerrak eragiten dituen aldaketen berri emango zaie, era atseginean. Gidoiak Jokin Garrues adituaren oniritzia du. Ekitaldi hau 6 urtetik gorako haurrentzat da eta parte hartu nahi dutenek liburutegian izena eman behar dute.
Bestalde, hilaren 20an Gabonetako krisma eta ipuin lehiaketako sariak banatuko dituzte Urretxuko liburutegian. Ekitaldia 18:00etan hasiko da.
Bezperan, 19an, haurrek Olentzero kuttun ikuskizunaz gozatzeko aukera izango dute. Ekitaldi hau ere liburutegian izan behar zen, baina udaletxeko portaloian izango da. «Olentzerok asko jan du azkenaldian eta izugarri loditu da. Ez da liburutegiko atetik sartzen eta udaletxera eramango dugu», azaldu zuen Fidalgok.
Ikuskizun hau 17:00etan hasiko da. Miruk Olentzeroren istorioak kontatuko ditu eta musika ere egongo da.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.