Lehengo eta oraingo 40 bat bazkide elkartu dira mahaiaren bueltan
Irrika elkartearen 50 urteurren bazkarian parte hartu duten lagunak. // Ariane Vierbücher
Egun handia iritsi da; Eitzako Irrika elkarteko lagunak, elkartearen sorrera ospatzeko eguna izan dute gaur. 11:00etan meza egin dute San Gregorio ermitan, hil diren bazkideak oroitzeko. 12:00etan toka txapelketa jokatu dute. 13:00etan kalejira egin dute Eitzako kaleetan, Uxue eta Andoni trikitilariekin. 14:30ean lehengo eta egungo bazkideek bazkaria egin dute ermitako aterpean. Bazkaltzera eseri aurretik, familia argazkia atera dute. 40 bat lagun elkartu dira, tartean, Zumarragako udaleko ordezkariak ere.
Irrika elkartea Zumarragako zaharrenetakoa da eta oso garrantzitsua izan da auzoaren bizitzan baita herri osoko bizitzan ere, eragile bat gehiago izan baitira sorreratik. Eitza auzoan, jaien antolakuntzan eragiten dute, eta herri mailan, danborrada eta Santa Isabel egunean parte hartzen dute, besteak beste.
Urteurrena borobiltzeko, Gattiken ekoiztetxeak, elkartearen 50 urteko historiaren ikus-entzunezkoa onduko du, urte amaierarako prest egotea espero dutena.
Horiek baina, aurreragokoak izango dira. Momentuz, gaur arratsaldean eta iluntzean jai giroa egongo da Eitzako kaleetan Uxue eta Andoni trikitilarien eskutik.
Jose Luis Kerejeta, Mikel Ormazabal, Joxe Mari Zabalo, Txomin Garziandia, Pedro Pablo Renedo eta Antton Biain. Ormazabal, Zabalo eta Garziandia bazkide sortzaileak dira.
