Goierriren txirrindularitza eskolako taldeen aurkezpena

2025/02/24

Larunbatean Goierri kirol elkarteko txirrindularitza eskolak bere taldeak aurkeztu zituen Ederrena pilotalekuan. Ekitaldia hasi aurretik, txirrindulariek bi herriei buelta eman zieten bizikletan. Aurkezpena Miren Josu Aranburuk gidatu zuen. Ekitaldian zehar Gari Ugarte Euskadi fundazioko txirrindulariaren eta Alex Diaz (Caja Rural), Xabier Isasa (Euskaltel-Euskadi) eta Nicolas Alustiza (Euskaltel-Euskadi) profesionalen bideoak ikusi ahal izan ziren. Lauek Goierriren txirrindularitza eskolan eman zituzten lehen pausoak eta txirrindulari gazteei zortea opa zieten.

Benjamin kategorian Liher Amenabar Lasa arituko da; kimu kategorian Ion Salaberria Izagirre, Xanet Zabaleta Bastarrika, Aiur Lizarralde Retegi eta Amets Kouyate Iturralde; haur kategorian Iker Matxinandiarena Elorza, Mikel Baztarrika Gordo eta Jon Alberdi Garde; kadete kategorian Imanol Barriga Andres, Telmo Etxeberria Zaldua, Oinatz Idiakez Zabaleta, Martin Agirre Iturbe, Liher Arozena Dominguez, Unai Taboada Miguelez eta Aimar Ugarteburu Elgarresta; gazte kategorian Joanes Lizarralde Alustiza, Eki Izagirre Romaratezabala, Auritz Ormazabal Beristain, Urko Izagirre Romaratezabala, Enaitz Iraeta Aranguren, Ekain Leizeaga Lizarralde, Erlantz Aranburu Aranburu eta Hodei Salaberria eta Team Zatika Bike nesken taldean Eguzkiñe Romaratezabala, Olatz Romaratezaba, Ihintza Eizagirre Arruti, Lur Zufiria Aranguren, Naya Mangas Etxebeste, Olatz Gabilondo Zenitagoia, Oneka Sanchez Galarraga, Ziortza Ortiz Beltran de Nanclares, Arene Perez Oiarbide eta Garazi Bergara Agirre.

Prestatzaileei dagokienez, Andres Martinez kadete mailakoekin arituko da, Manex Urien kadete eta gazte mailakoekin eta Marcelo Favre neskekin. Arduradunei dagokienez, Juan Agirre eta Aitor Baztarrika errepideko txirrindularitzaz eta eskolaz arduratuko dira, Dima Segura mendiko bizikletaz eta Mikel Telleria zikloturismoaz.