Zumarragako bandak oso kontzertu berezia antolatu du ostiral honetarako: rock abestiak joko ditu, Euskadi plazan, ostiraleko pintxo-potean. Kontzertua 19:30ean hasiko da.
Bandako kideek rock talde ezagunen abestiak joko dituzte: Beach Boys (Get around, California girls, Surfer girl, Wouldn’t it bi nice eta Good vibrations), Supertramp (The logical song, Breakfast in America eta It’s raining again), Santana (Flor d’luna, Oye como va, Europa eta Smooth), Bon Jovi (Runaway, It’s my life, Livin’ on a prayer eta You give love a bad name) eta Eric Clapton (Let it rain, Change the world, Forever man, Tears in heaven eta Layla).
Andoni Vazquez bandako zuzendariak kontzertu “erakargarria” izango dela esan du eta herritarrak bertaratzera animatu ditu.
