Juanan Mendizabal zumarragarrak La Salle-Legazpi ikastetxean eta Joxe Mari Iparragirre institutuan egin zituen oinarrizko ikasketak.
Ondoren Santiagora joan zen Farmazia ikastera, baina “ikasi izan ezik, denetik” egin zuela aitortu du. Bi urte eman zituen han eta ondoren Erizaintza ikasketak hasi zituen Donostian. 20 urte eman zituen Zumarragako anbulatorioan eta ondoren urtebete Donostian. Herrira itzuli da eta betirako izatea espero du. Zumarragar petoa da eta herriko jaiak hasteko gogo bizia du.
Zer izan nahi zenuen umetan?
Osasun munduak erakarri nau beti.
Aisialdian zer egitea atsegin duzu?
Bizikletan ibiltzea, spining egitea, mendian korrika egitea… eta lagunekin pote batzuk hartzea.
Bizitzeko toki bat?
Zumarraga. Inongo zalantzarik gabe.
Santa Isabel jaietako une kuttuna?
Antioko jaitsiera eta danborrada.
Jaietako pasadizo bat?
Jaitsiera egiten hasi eta hiru aldiz bukatu dut ospitalean: behin eskafoidea hautsi nuen eta bitan bihurrituak izan ditut.
Zein duzu danborradako abesti gustukoena?
Zumarragako ereserkia jotzea sekulakoa da. Oso hunkigarria.
Donostiako danborradara joaten al zara?
Donostian ikasten egon nintzenean joaten nintzen. Bandera ken-tzen dutenean jotzen dituztenak nahiago ditut. Azpeitikoak ere, Frantsesenak konposatutakoak, asko gustatzen zaizkit.
Realeko gustuko jokalaria?
Aranburu, Llorente eta Griezmann. Etorkizuna azken honena da.
Eta garai batekoen artean?
Satrustegi, noski! Mendeurreneko kamiseta erosi nuen eta atzean bere izena ipini nuen.
Ilehoriak ala beltzaranak?
Ilehoriak.
Egindako azken oparia?
Emazteari eskumuturrekoa.
Eta jasotakoa?
Emazteak duela hilabete oparitutako kolonia.
Data bat?
Semeen jaiotze egunak: uztailaren 15a eta irailaren 3a.
Mutil eta neska izen bana?
Jon eta Joseba, semeenak, eta Ane.
Zein egunkari irakurtzen duzu?
Normalean DV. Realari buruzko informazioa Noticiasen irakur-tzea gustatzen zait.
Gustuko telebista saioa?
Kirol saioa, batez ere tartean pilota bat badago.
Bereziki gorroto duzuna?
Belen Estebanena eta antzekoak.
Pelikula bat?
Los doce del patíbulo.
Liburu bat?
Ez dut irakurtzen.
Abesti bat?
Beatles taldearen edozein: Let it be, Hey Jude…
Soinu bat?
Itsasoarena.
Usain bat?
Kolonia on bat.
Janari bat?
Denetik jaten dut. Gose naizenean paellarekin amesten dut.
Ura ala…
Ardoa, beti.
