Argazkia: Gotzon Aranburu. Maiatzaren 24ko udal hauteskundeen ondoren, gaur egin dituzte herriz herri udalbatza berriak osatzeko osoko bilkurak. Hala, eguerdian osatu dituzte Urretxuko eta Zumarragako udalak ere.
Mikel Serranok errepikatuko du Zumarragako Udaleko alkate lanetan datozen lau urteetan ere. Lasai joan da osoko bilkura, ezustekorik gabe. Ezusteko handiena maiatzaren 24an hartu zuela aitortu du Serronok, gehiengo osoa lortuta. Edonola ere, gaurkoa emozio handiko eguna dela esan du PSEko ordezkariak. Era berean, gehiego osoak poza bai, bai lanerako ardura handiagoa ere ematen duela esan du. Zumarragarren interesen alde lanean jarraitzeko konpromezua erakutsi du. Serranorekin batera, Rosa Maiza, Victoriana Badillo, Antonio Navarro, Arantzazu Gonzalez, Maria Victoria Portugal, Ricardo Lozano eta Jose Maria Bermejo dira PSEko udal ordezkariak. EH Bildutik Inma Albisua eta Miren Aintzine Biain izango dira udalean. Azkenik, EAJren udal ordezkariak ere bi izango dira: Iñigo Peñagarikano eta Josu Idigoras.
Urretxun azken lau urteetan udalaren lidergoan aritu den Oihane Zabaletak pasa dio lekukoa Jon Luqui EAJko alkate berriari. Eguerdian egin dute osoko bilkura eta udalbatza osatuta gelditu da. Espero bezala osatu da Urretxuko udala. Luquiren alboan, Miren Itziar Agirre, Igor Zubillaga, Juan Luis Albisua eta Maialen Fidalgo arituko dira. EH Bilduren taldean Oihane Zabaleta, Iñaki Etxaniz, Unai Badiola, Nerea Altolagirre eta Jon Altolagirre arituko dira. PSEk bi ordezkari izango ditu udalbatzan: Javier Martin Mateo eta Natividad Nieves Medina. Irabazik berriz ordezkari bat izango du, Alberto La Rosa.
