Gurutz Linazasoro neurologo zumarragarrak Garun bat, bizitza bat hitzaldia egingo du bihar, 19:00etan, Zumarragako Zelai Arizti aretoan. Hitzaldiaren helburua pertsonaren garapenaren fase ezberdinetan garunak duen garrantziaren inguruan informatzea eta heztea da. Horretarako, Linazasorok garunak bizitzan zehar izaten dituen aldaketak azalduko ditu.
Ondorengo galderei erantzungo die, besteak beste: Zerk ezberdintzen ditu gizakien eta animalien garunak? Zergatik egiten dute jolasean umeek? Zergatik ez ditugu gure bizitzako lehenengo urteak gogoratzen? Zergatik da nerabezaroa hain gatazkatsua? Zergatik da nerabeen garuna hain zaurgarria? Umeak izateak zoriontsu egiten al gaitu? 400 urteek krisirik ba al dago? Nora eboluzionatzen dute moraltasunak eta erabakiak hartzeko prozesuak? Ba al dago garunaren zahartzeari aurre hartzerik? Zergatik dago gero eta pertsona gehiago ehun urtetik gora bizitzen dena? Ze erronka planteatzen dizkio errealitate honek gizarteari? Murriztu al daiteke alzheimerra jasateko arriskua?
