Aukeren Azoka egiten ari dira Urretxun eta Zumarragan, Bi-Tartean merkatari elkarteak antolatuta. Merkatari batzuk beraien produktuak Zumarragako plazara eraman dituzte eta beste batzuk denda aurrean jarri dituzte. Plazan 15 merkatari daude eta beste 23 merkatarik produktuak denda aurrera atera dituzte.
Azokan Aitxu, Alex Kirolak, Aspace, Bidegorri, Enrique Gorostegi, Ezpeleta, Josune Janaridenda, Kuttun, Kux kux, Marai&NkN, Mentxu y Yone, Naif, Opticalia Urrtxu, Stylo, eta Titare daude.
Denda aurrean, berriz, Agurtzane dekorazioa, Amane, Aitxu, Apalategi, Argiki, Arku, Baby, Bidegorri, Doss, Urdangarin burdindegia, Inaxio, Intersport, Ormazabal bitxidenda, Julita mertzeria, Laskurain, AM mertzeria, Arzuaga altzariak, Natalietta, Oskarbi, Otxaran, Santa Cruz margoak, Quo eta Urbe.
Saltoki batzuk beherapenak eskaintzen dituzte eta beste batzuk produktu eta zerbitzu bereziak.
Beti bezala, merkatariek elkarlana bultzatzen ari dira. Oraingo honetan, Aspacerekin, Urretxuko eta Zumarragako jubilatu etxeekin eta Herri Kirol Elkartearekin.
Gainera hainbat ekintza antolatu dira.
- Musikak giroa alaituko du egun guztian zehar.
- Egun guztian zehar saskigintza tailerra eskainiko dute Aspaceko lagunek. Saski handi bat egiten ari dira eta ondoren parte hartzaileen artean saskia zozkatuko da.
- Goizean toka txapelketa egin dute Urretxuko eta Zumarragako jubilatu etxeekin elkarlanean.
- 17:30etik 20:30era food truck-ak egongo dira.
- 18:00etan herri kirolak gertutik ezagutzeko aukera izango da.
- 19:00etatik 20:30era zunba disko festa egongo da.
Azokan parte hartuko duten merkatariek txartelak banatu dituzte erosketa egin duten bezeroen artean, arratsaldean foodtruck-etan trukatu ditzaten. Euren saltokietan parte hartzen ari diren merkatariek, berriz, erosleen artean erosketa baleak zozkatuko dituzte.
