Zumarragako Etxeberri auzoak jaiak ospatu dituzte asteburuan eta bazkari herrikoia egin dute jaietako igandean.
Zumarragako Etxeberri auzoan jaiak ospatu dituzte asteburuan. Musa, ohe elastikoak, haurrentzako tailerrak, urdaiazpiko dastaketa, herri afaria, dj-a… Egitarau zabala izan dute Etxeberriko auzotarrek asteburuan zehar, jaiez gozatzeko aukera apartarekin. Larunbat mugituaren ondoren, hala ere, igandea lasai ederrean pasa dute. Toka txapelketarekin eman diote hasiera egunari eta ondoren, desafio garaia izan da. Zumarraga, Urretxu, Segura, Legazpi, Gabiria eta Mutiloko gazteek desafioa egin dute herri kiroletan. Eguerdian herri bazkariarekin eman diete amaiera aurtengo jaiei.
