Urolaren gizonezkoen senior taldeak eskerrak eman nahi dizkie joan den larunbatean Lagun Onak taldearen aurka jokatutako partida ikustera Argixaora joandako herritarrei. Talde gaztea du aurten Urolak eta gogotsu lan egiten ari diren arren, lehia gogorra ari da izaten. Liga amaitu bitarte geratzen diren hamasei jardunaldietako bakoitza final baten modukoa izango da, eta zaletuen babesa garrantzitsua izango da. Igande honetan Lesakan dute hitzordua Beti Gazteren aurka, eta hurrengo asteburuan etxean jokatuko dute Real Union taldearen aurka.
