Asteburu honetan Zumarragako Etxeberri auzoko jaiak ospatuko dira. Larunbatean, 12:30etik 13:30era, haurrentzako tailerrak izango dira. 16:30ean mus txapelketa jokatuko dute. 16:30etik 20:30era ohe elastikoak izango dira. 20:00etan urdaiazpiko dastaketa egingo dute. 21:30ean afari herrikoia izango da eta 23:30ean Dj Djon-ekin dantza egingo dute. Igandean ere hainbat ekitaldi izango dira. 11:30ean toka txapelketa jokatuko dute. 13:00etan herri kirol desafioa hasiko da. 13:30ean trikitilariek auzoa girotuko dute. 14:30ea herri bazkaria egingo dute, trikitilariek girotuta. 16:30etik 20:30era haurrek ohe elastikoetan jolasteko aukera izango dute.
Herri kirol desafioari dagokionez, Urretxu eta Zumarragako taldea Lazkaomendikoaren aurka lehiatuko da. Gainera, Jon Zaldua, Elorriaga aita-semeak eta Izeta V aizkorarekin lehiatuko dira.
Mus txapelketan parte hartu nahi dutenek Oleta tabernan izena eman behar dute, 16:00ak baino lehen. Bikote bakoitzak 40 euro ordaindu behar du. Irabazleek bildutako diruaren %50 eta txapelak eramango dituzte. Bigarren postuan sailkatzen direnek, diruaren %30 jasoko dute. Hirugarren postuan sailkatzen direnek, diruaren %20a, gazta bat eta bi botila ardo. Laugarren postuan sailkatzen direnei gazta bat eta bi botila ardo emango dizkiete.
