Urretxuko Santa Anastasia festetako Euskal Jaiko bazkarirako izen-ematea uztailaren 21 eta 22an (datorren asteartean eta asteazkenean) izango da zabalik, Urretxuko Udalaren webgunean. Izena eman nahi dutenek bi egun izango dituzte izen-ematea lasai eta erraz egiteko. Horra hor beharrezko argibide guztiak.
Non eman ahalko da izena?
Urretxuko Udalaren webgunean (www.urretxu.eus), sartu ahala argi ikusiko duzu izena emateko lotura.
Noiz eman ahalko dut izena?
Uztailaren 21eko 10:00etatik uztailaren 22ko 23:00etara.
Lehenago izena emanez gero, lehentasunen bat izango dut?
Ez, izen-ematearen ordenak ez du inolako lehentasunik ematen.
Zer egingo da 1.500 lagun baino gehiagok izena ematen badute?
Izen-emate guztien artean zozketa egingo da.
Nola egingo da zozketa hori?
Ausaz zenbaki bat aterako da, eta zenbaki horretatik aurrera hasiko dira lekuak betetzen.
Nola jakingo dut, behin izena emanda, lekurik izango dudan?
Uztailaren 23an, posta elektroniko bidez jakinaraziko zaizu lekua egokitu zaizun.
Non izango dira bazkariak?
Ederrena pilotalekuan, Aldiri kiroldegian eta, beharrik balitz, Gainzuriko estalpean.
Nork zerbitzatuko ditu menuak?
Sarayola eta Divinus catering enpresek.
Zein izango dira menuak?
Ederrena pilotalekuan (Sarayola):
Helduen menua: errusiar entsalada; arrainez betetako piperrak; txanpinoi eta urdaiazpiko kazolatxoa; saiheski errea; goxua; ura, ardoa, sagardoa, kafea eta kopa.
Haurren menua: patea; makarroiak; oilasko errea; Danonino; ura eta freskagarriak.
Aldiri kiroldegian eta Gainzuriko aterpean (Divinus):
Helduen menua: errusiar entsalada ganbekin; Nafarroako zainzuriak ozpin-olio saltsarekin; etxeko itsaski-krema ganba salteatuekin; txahal-gisatua patata torneatuekin; moka-tarta kafe-kremarekin; ura, ardo beltza eta gorria, sagardoa, cava, kafea eta kopa.
Haurren menua: pasta tomatearekin; oilasko errea patata frijituekin; txokolatezko natillak; ura.
Zenbat balio du menu bakoitzak?
Helduen menuak, 30 euro; haurren menuak, 15.
Non bazkaldu aukeratu al dezaket?
Ez, zozketa bidez esleituko dira lekuak.
Nola egingo da zozketa hori?
Kasu honetan ere zenbaki bat aterako da, eta zenbaki horretatik aurrera lekuak betetzen joango dira, Ederrena pilotalekutik hasita.
Lagun talde baten ala pertsona bat baino gehiagoren izenean eman dezaket izena?
Bai, batera esertzeko, batera eman behar da izena. Galdetegiak horretarako aukera ematen du.
Lagun talde ala pertsona bat baino gehiago denean, nork bete behar du?
Pertsona batek taldearen izenean.
Zer datu behar dira izena emateko?
Izena emango duenaren (bereak bakarrik) izen-abizenak, NA zenbakia, telefonoa, helbide elektronikoa, heldu kopurua, haur kopurua, elikadura behar berezi kopurua haur eta helduetan, elikadura behar bereziak zein diren (Adibidez: 1. Pertsona: Begetarianoa; 2. Pertsona: Alergia fruitu lehorrei; 3. Pertsona: Intolerantzia laktosari…).
Ordainketa nola egin behar da?
Transferentzia bidez. Lekua egokitu bazaizu, uztailaren 23an jasoko duzu posta elektronikoan transferentzia zein kontu korronte zenbakira egin dezakezun iritsiko zaizu.
Nork egin behar du ordainketa?
Izen ematea egin duenak ala kontzeptuan bere izena jarrita.
Nola jakingo dut zenbat ordaindu behar dudan?
Galdetegiak berak kalkulatuko dizu guztira ordaindu beharrekoa. E-posta batean ere jasoko duzu galdetegian erantzun duzuna.
Noiz egin behar da ordainketa?
Uztailaren 24tik 26ra bitartean.
Ordainketaren jakinarazpena jasoko dugu udaletik?
Bai, uztailaren 29an.
Zer egin teknologiekin moldatzen ez banaiz?
Inguruan laguntza eskatu ala kultur etxean lagunduko dizugu bi egun horietan.
Abantailarik izango dut izen ematea egitera kultur etxera banoa?
Ez, formularioa eta prozedura guztiontzat izango da berbera. Kultur etxean ere formularioa beteko dute zurekin batera, eta hurrengo pausoen zain gelditu beharko duzu, hau da, ez duzu aparteko inolako abantailarik izango.
