 |
Asier Auzmendi Komunikabideetan irakurri dut zerbait gai horren inguruan. Ez dut Munilla ezagutzen, baina elizara apenas joaten naizenez, berdin zait elizak Donostiako gotzain nor jartzen duen. Egun jende gutxi joaten bada elizara, Munillarekin gutxiago joango direla uste dut. Dena den, azken finean gotzainen aukeraketa ez dago elizara joaten direnen esku. |
 |
Joaqui Yurrebaso Ez nuen Munilla etortzea nahi. Berarekin lan egitea tokatu zitzaidan eta azken urteetan aldatu egin zen. Ez dut uste Gipuzkoara etorri beharko litzatekeenik eta hemengo apaizak nire iritzi berekoak dira. |
 |
Pedro Vazquez Zer edo zer entzun dut, baina ez diot kasu handirik egin. Ez dakit nire iritzia balekoa izango den. Izan ere, ez dut Munilla ezagutzen eta apenas dut berari buruzko erreferentziarik: ez onak, ez txarrak. Egia esan, niri bost axola zait Gipuzkoako gotzain nor aukeratzen duten. Izan ere, ez naiz elizkoia. |
 |
Maite Lorente Zerbait entzun dut, baina gaia ez zait asko interesatzen. Mojen ikastetxean ikasi nuen garaian ezagutu nuen. Dena den, ezin dut berari buruzko iritzi sendorik eman. Gainera, egia esango dizuet: kontu honi ez diot garrantzia handirik ematen. Pentsa, egungo gotzaina nor den ere ez dakit! |
