Atzo goizaldeko laurak aldera gertatu zela jakinarazi du Segurtasun Sailak, eta gertakariaren unean bertan ziren lekukoek Ertzaintzari azaldu ziotenez, garajeen barnealdetik metal hotsak entzun zituztenean eman zuten abisua. Ertzainek bi gazteak garajearen oinezkoentzako atetik irteten ikusi zituzten, baita eskailera batzuetatik ibai aldera zihoazela ere. Bertan zirela, gazte bat objektu bat gordetzen saiatzen ari zela ikusi zuten ertzainek. Jarraian egiaztatu ahal izan zutenez, lapurreta egiteko erabilitako pikotx bat zen.
Garajea ikuskatu ondoren, ertzainek oinezkoenkoentzako atearen markoak palankaz ireki izananaren zantzuak eta barruko garajeetako baten sarraila indarrez ireki zutela egiaztatu ahal izan zuten. Atxilotuak 21 eta 22 urteko bi gazte dira, eta indarkeriaz egindako delitu bat egozten die Ertzaintzak. Bi gazteen aurrekari penalak dituzte.