Sortzen enpresa ekintzailetza bultzatzen duen egitasmoaren baitan formazio praktikoa eta doanekoa egiteko aukera dago. Goierri garaiko Uggasa garapen agentziak kudeatuko du ikastaroa. Amaia Amenabar arduradunaren hitzetan, «ikastaroaren helburu nagusia da parte hartzen duen pertsonak egunen batean proiektu bat badauka buruan, proiektu hori gauzatzeko baliabideak edukitzea».
Ikastaroaren aurkezpena ekainaren 13an egingo dute Sortzen inkubategiak Urretxun duen egoitzan. Ordurako izen ematea itxita egongo da. Izena emateko Uggasara deitu daiteke 943 72 58 29.
