Zumarragako goiko auzoetako 20 bat bizilagunek, gehienak 18 eta 25 urte bitarteko gazteak, jaiak berreskuratu dituzte. Ostalariekin, El Salvador gizarte zentroarekin, La Amistad elkartearekin eta Zumarragako Udalarekin elkarlanean lortu dute helburua. Jaiak duela hamar bat urte desagertu ziren. Maiatzaren 29an, 30ean eta 31n ospatuko dira.
Berpizte horren ernamuina Gizarte Zerbitzuek bultzatuta antolatu zen Tau-Taupadak proiektua da. Bere helburua auzoa biziberritzea zen eta egitasmoaren baitan antolatutako festan ehunka lagunek parte hartu zuten. Handik egun gutxira, auzoko jaiak berreskuratu nahi zituzten bizilagunek WhatsAppeko talde bat sortu zuten.
Horra hor Zumarragako Udaleko Gazteria Sailaren laguntzarekin antolatu duten egitaraua.
Ostirala, maiatzak 29
19:00 – Jaietako txupinazoa eta trikipoteoa Zalduatarrekin. Ibilbidea: Antonino Oraáko terraza, Leturias plaza, Izazpi auzoa parkea eta amaiera Izazpiko estalkian.
Ordu berean, buruhandiak txikienentzat.
Larunbata, maiatzak 30
16:00 – Mus txapelketa Izazpiko estalkian.
17:00 – Partxis eta tute txapelketak El Salvador etxean (Leturiatarren plaza).
17:30 – Txokolatada Izazpi parkean, La Amistad elkartearen laguntzarekin.
19:30 – Kalejira Lasko txarangarekin, ostiraleko ibilbide berarekin.
Gauan zehar, auzoko tabernek ogitartekoak eskainiko dituzte.
22:30 – Joselu Anayaken kontzertua.
00:30 – Txapel jaurtiketa eta zaku lasterketa lehiaketak.
01:00 – DJ Zaza saioa.
Igandea, maiatzak 31
11:30 – Aurpegi margoketa Leturia plazan.
12:00 – Altxorraren Bila jolasa, Leturiatarren plazan.
14:30 – Bazkari herrikoia Izazpiko gune estalian, Euskal Parrillaren eskutik.
Helduen menua (26 euro): entsalada mistoa, otarrainxkak, baserriko oilaskoa parrillan, txerri-saiheskiak, pasteltxoak, ogia, kafea eta edariak.
Haurrentzako menua (15 euro): iberikoak, urdaiazpiko-kroketak, hanburgesa patatekin, izozkia, ogia eta edariak.
Txartelak maiatzaren 12tik 23ra bitartean erosi ahal izango dira auzoko tabernetan.
17:30 – Dantzaldia Chuchin Ibañez y los Charros mariatxien eskutik.
Iñaki Mendiluzek, goiko auzoetako bizilaguna eta Gazteria zinegotzia den, honako hau azpimarratu du: “Jaien berpizteak aparteko balioa du, zenbatzea ezinezkoa dena. Ez bakarrik eskaintzen den programazioagatik, baizik eta sortutako ilusio eta konpromisoagatik. Benetako inflexio-puntua da auzo bizitzan, eta udala hunkitzen du, batez ere elkarteetan belaunaldien arteko erreleboa lortzea hain zaila den garai honetan”.
