Santi Pelaezek Bidaiatzen pintura erakusketa ireki zuen atzo Zumarragako kultur etxean. Erakusketaren eskutik, urrutiko eta gertuko toki ezberdinetara bidaiatu daiteke, baina baita gaitz mentalen mundura ere. Gaitz hauen inguruan estigma eta desinformazio ugari dago eta hitz egitea komeni da. Horixe da Pelaezek egin duena: eskizofreniak bere baitan ixtera eraman zuen eta pinturak zulotik ateratzen lagundu dio.
Margolari honek 44 urte ditu. Ordizian jaio zen, baina umetan Hondarribira joan zen. Duela hiru urte Goierrira itzuli zen. Beasainen bizi da. Estudioa etxean bertan du. Iazko ekainetik Gureak enpresaren Ordiziako tailerrean lan egiten du. «Oso gustura nago. Gureaken lan egiten hasi nintzen arte, kezkatuta bizi nintzen pinturatik bizitzea lortzen ez nuelako. Orain, diru arazorik ez dudanez, berriro pinturaz gozatzen ari naiz. Zaletasun bat da, ez obligazio bat».
Komiki zalea
Komikien eskutik zaletu zen, umea zela. «Eskulanak eta pintura oso gustuko nituen, baina selektibitatea egin ondoren Filosofia ikastea erabaki nuen. Ez nuen lehen ikasturtea amaitzea lortu. Gaixotasunak nire baitan ixtera eraman ninduen», azaldu du.
Pinturari esker atera zen zulotik. «Margotzen hasi nintzenean, berriro martxan jarri nintzen. Bizikleta hartu eta pedalak ematen hastea bezala izan zen».
Javier Sagarzazu margolari hondarribiarraren akademiara joan zen eskolak hartzera eta ondoren bere laguntzailea izan zen. «Idazkari lanak egiten nituen, Internetez arduratzen nintzen, erakusketak muntatzen laguntzen nion…».
Ondoren, Beasainera etorri zen. Estudioa etxeko egongelan du. Teknika ezberdinak erabiltzen ditu. «Olioa eta akuarela gustuko ditut, arkatzarekin hirietako paisaia asko egin ditut, pintura akrilikoarekin beldurrezko koadroak egin ditut…».
Zumarragako erakusketan bere bidaietan eta txangoetan ezagutu dituen tokietako paisaiak eta detaileak ikus daitezke: New York, Erroma, Napoles, Maroko, Alegi, Segura, Beasain, Zumarraga…
Kritika soziala ere egin du. «Hiru koadrotan Rihanna, Cara Delevingne eta beste modelo bat ageri dira. New Yorkeko koadroetan lan handia egin nuen eta ondoren ez nuen saltzea lortu. Hori dela eta, koadro horiek berriro egin nituen, atzean modeloak jarrita apaingarri bezala. Helburua saltzen diguten zoriontasun eredua kritikatzea eta nire lana aldarrikatzea da».
Artearen merkatuarekin ere kritiko ageri da. «Nire lanak ferietara eramaten nituen. Singapurreko eta Hego Koreako ferietan parte hartu nuen, besteak beste. Baina galeriek dirua kobratzen dizute zure lanak ferietara eramatearen truke eta koadrorik saltzen ez baduzu dirua galtzen duzu. Hori dela eta, egun nire lanak herrietako aretoetan bakarrik erakusten ditut».
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.