Geltokiko plazako merkatariek Katxalin elkartearen martxaren aldeko artikuluen salmenta eta luntxa egin dituzte gaur eguerdian. Katxalin bularreko eta ginekologiako minbiziagatik eragindako Gipuzkoako emakumeen elkartea da. Augusto Salinasek musika jarri du eta bertaratuek Muga tabernak emandako txistorra, Lorea harategiak emandako gazta eta Ogi Berrik emandako pastelak jan dituzte. Jende asko hurbildu da eta antolatzaileak oso gustura ageri dira.
Kamisetak eta gainontzeko artikuluak katxalin.org/eu/elkartasun-martxa webgunean eta Katxalinek Zumarragako plazako 5ean duen egoitzan ere eros daitezke (24an, 25ean eta 26an, 17:00etatik 19:00etara).
